220721四晚30°C 73%：安安畢生為港，好好送別

本確終破4k。下周一若飆到5k，怕又有排驚。

內地送來的第一隻熊貓，今晨因為老弱而安樂死。12歲來港，接著的2/3歲月都用來陪伴港人。

如今人道毀滅一隻野豬，都有人反對。不好好送安安，説不過去。

就DSE狀元的話題，有人提醒：如果唔計讀醫，冇一個想讀科技。港人幾十年既傳統，唔係政府話搞創科，的後生就熱心響應的。

我估，政府就算而家即刻話：狀元留港讀科技，年獎24萬，我估都唔會有人轉軚。

我絕對唔反對狀元讀醫。作為老人，係香港而家既環境下，甚至贊成添。人口老化長壽，但私醫貴，中下層逼住去公院。今後二十年，公院醫護的工作量只怕有增無已。後生一代有志於此，即使係為較好的收入，我地都應該支持。我幾乎平均每個月都光顧一次公院，一般都好滿意（當然要計性價比，唔能夠與私院既醫護vs患者比率相較。）

我相信的狀元講既：讀醫係想幫人。相比三十年前，而家既新一代普遍都有關愛既觀念。唔係淨係當醫生係高尚職業。

但反過來，佢地唔吼創科，也說明至少在可見的將來，創科在港本地後生的眼裏，未成氣候。正所謂，群眾的眼睛是雪亮的。創科嗌咗20年，政府怕都投入咗幾十億，有幾多本地產品上得國際？你我經常用既本地創科，怕只係的shopping apps。

因此，正如我此前就估：香港話絕對會大力發展中央分給我們的任務：創科。但出力的唔係本地人，而係內地落黎既新港人、港漂，包括南來升大讀研、讀完留下發展的科技尖子。係港府同廣東大力支持下，會如魚得水。

過程中，本地人也會有份，不過唔係搞科研，而係做番港人最擅長既融資、上市、營銷。今年既狀元就有一位唔讀醫又唔留學既男生：當初選科就睇定金融。這位狀元十年後，話唔定係創科上市、fintech的大推手，未夠30歲就年入千萬。

要到本地狀元開始有1-2個以科技為職志，打算留港開拓，創科先有眉目。此前只是內地科技尖子的園地。