本確終於飆上3,400。且看今個週末破唔破4,000？
港連日35℃+，烈日當空。內地和港人最愛的日本更高2-3℃，連緯度高得多的歐陸都叫苦。
我好在怕冷多過怕熱。今日北上見識石湖墟。中午當街冇遮擋行咗成粒鐘，未見大汗淋漓，也無須靠冰水降溫。
上水站好似荃灣等大站，四周都是商場，有架空路連成一氣。但地面主要是裝修業，與元朗大街冇得比。更且撞正墟內的懷舊冰室昨起連休兩日，冇得朝聖。門口的告示冇話東主有事。週三、四例休，週末才搏殺？
上水站有一個不足：連接幾個商場的架空路，沿途冇方向指示（地面先至有官式路牌）。街上也不像旅遊區，豎起一條桿，分別指向不同方向的地標。
由於唔係好識睇著手機Google map既實時方向指引離行，兜咗唔止半個鐘先搵到上述的懷舊地標。
印象中，其他大站四周的架空路都已有路牌。何以上水獨缺？難道前幾年靠水貨客就賺到飽，懶理本土遊?
係上水站商場見到呢種日本提子：$298一串（右上圖：博主攝）
，一眼望去不外20-30粒，每粒~10元，借用港產片術語：絕世好「串」。
看來，我們香港雖然富有，但與內地比，不入大雅之堂也！還是謙虛點的好。
今日最勁既本地新聞係：
包括荃灣街鬥期間中槍主角在內的4條𡃁在西貢碼頭落船逃台那一刻被捕：〈曾志健被捕｜4人匿荃灣工廈放紙箱內轉移 被要求交40萬偷渡費兼拍片眾籌〉。
這4人在港出事後，隱蔽了一年，最後一刻靠人通水才截獲。
看來刑偵不若想象中厲害。但反過來，國安舉報的獎金似乎奏效。
更重要的是：當局想藉此案來警戒一眾𡃁：那些看似「救」你哋既人，其實係蛇頭，控制你哋，藉機斂財。據說呢類人有啲已走咗佬。
沒有留言:
張貼留言