171103五晨22°C 55%：問香港誰屬還看今朝

   繼續超好天。昨去醫院抽血，爲複診作準備，順便打流感針。臨場更聽姑娘話，一併打埋肺炎針，好似係一針一世。
   姑娘話肺炎針要打右臂上方，會痛啲。但昨晚先知，原來所謂痛唔單只係拮嗰陣，而係當晚甚至翌日覺yuen。今午做gym怕要pass舉重。
   這兩天最有意思的新聞：問香港誰屬？〈「中環中心」(圖中前方的三角頂高樓)天價歸中資；中共對外聯絡部有份〉。So symbolic!
   外聯部當屬「強力部門」。反恐、間諜片睇得多，國安、公安在港活動，完全「正常」。戲裏的倫敦有CIA Operation Center，而且就在玻璃幕牆的寫字樓裡。
   中環中心轉手後，部分要掃描眼球手掌才能進入，so what?
   昨電視才重提11年奧巴馬派「海豹」萬里外擊斃拉登。美軍空降外國打死人，何主權之有？美方怕巴基斯坦有內鬼，事前很可能封鎖消息。巴基斯坦事後也冇得er。
   當然，銅鑼灣書店對港人來說是「言論自由」，非恐怖分子。弊在太熱心，大批運反共書入內，變成越境「煽動顛覆」強力政權。港法莫奈何，就只好由強力部門出馬。
   看博友留言才想到，有了《國歌法》後，球場觀衆席各處相信佈滿線眼，配合幾百個CCTV，專責舉證。挑戰者唔好咁自信。