140903三炎：袋住小米望iPhone？

(初稿140903三午前上博，其後根據當日稍後發生的事修訂)

-老豆，我要iPhone 6！
-iPhone 6 郁下都六七千，你就識開口。老豆雖然大把錢，但唔想你使慣哂，番唔到轉頭。俾個小米你袋住先。今年同我乖乖地、勤力的，第日再傾。
-有冇搞錯呀，老豆！我讀既係國際學校，唔係山寨學校，iPhone係國際標準離㗎。千零文嘅山寨貨點見得人㗎？小米擺明抄iPhone，我俾人淤死，連你架都丟埋。
-係人都知iPhone唔安全，萬一有事，影響到屋企，你孭得起咩？你阿媽同我成家人嘅安全要緊呀嘛。你就只識得國際標準。就算有乜國際標準，都未必啱我地屋企啦！
-咁都唔俾，我唔番學啦！今晚佔廳唔入房！阿媽，阿爸打壓我，我怕有家暴。