210215 一年初四近午21°C 62%：疫情中，國運隆 ，你「倚」唔倚？

近日由港建制賣俾「內富」的老牌報紙年初四敬告市民：〈「東（指中國）升西（指美國）降」國運隆 「時勢在我（國）」港可倚（指靠國家）。

我冇留意該報轉手前的社論，唔知其如此超「pro」，係唔係轉手後的新氣象。但由此更明白當局最近爲何連日封區：

財赤3,000億。過往繁榮靠金融、貿易、地產、旅遊，但疫下怕死咗七成，坐吃山空。唯「倚」上邊俾生意。但咁就先要通關，清零係先決條件。唔發茅都唔得。

有人提加稅。但低稅有百年傳統，早已融入港人的基因。何況怕七成市民憎政府，黃營到時必借勢「撥」，民情可能惡過反修例。