210222一年初十一晚21°C 79：過渡期只怕好難玩

生性討厭hardcore politics，一向一句帶過算數。

昨晚脫博，因爲領嘢被休息。不過唔喺染疫。今日已兩博，本來預備提早上牀。但治港新要求鋪天蓋地，唔留番句，實以爲刻意迴避。

香港既係中國地方，在位者要「愛國」理所當然。共產黨依法係治國者。反共者不能治港亦理所當然。港人玩大咗20年，如今被清場，同樣係理所當然。

長遠一定船到橋頭自然直。問題是，目前多半人是反的。只在小半市民裏選人治港，選出來的又只代表小半人。大半人消極抵抗，社會如何安定繁榮？外靠北水，內靠警察？

我信長遠冇問題，因爲由教育連根拔起，下一代國教聽到大，習慣上冇咁alien。引入內地精英填補外移者的關鍵職位，10-15年後，港就「脫胎換骨」，由Asia’s Yellow City變成China’s Pink City，不會再有這樣多的亂彈。黨的主旋律奏貝多芬的《英雄交響樂》，港就播貝多芬的《田園交響樂》，不會再奏莫扎特的《Requiem》。

問題是：由黃過渡到粉紅個10-15年，不得不留下的人黑口黑面，如同行屍走肉，流亡者在西方持續唱衰，美歐不時出招，影響香港的營商環境，我地會唔會好難玩？到時唯靠內地養起來，或正是轉型大戰略的原意。