210222一初十一傍晚23°C 73%：食好過唔食 早食好過遲食 睇餸食飯 市民心裡有數

特首今午率領文武百官，赤膊打開了對邪惡病毒自衛還擊戰的第一針。 

210222林鄭率領百官帶頭開打疫苗(原載hk01)

市民明晨起可上網預約，醫護、滿60歲等優先羣組周五開打。

本周稍後，另一種疫苗也會從歐洲運抵。其他市民相信也很快就會接住上。 順利的話，香港入冬前可望重光，恢復繁榮。到時莫說通關，甚至可望去滑雪。 

明天的恆指應該會反映香港今天的歷史里程。騰訊睇幾多？車，馬化騰都唔知啦！ 

今日年初十一，確16/無4，連升4日後總算回落。但如此幅度上落正常。過年係第四波既呼吸機，過年後掹咗應該就冇事啦！想放心就去打針啦！ 

大官、專家近日排住隊爲科興解話。正奇怪點解唔見幾位「大家」，昨終有人蒲頭。但似乎冇咁keen，〈有效率可信值下限未達世衛標準；若有效率低 即便廣泛接種也不足以達致羣體免疫〉。

的確，港預訂開打的兩種疫苗，有效率無法直接比較。《聖經》教識我，我們活著，不是單靠醫學。若此，有效率也不應該是檢驗真理的唯一標準。 

有關疫苗，有個不起眼的好消息：香港有購入的BNT，〈新一批不用超低溫貯存〉。這種德、美製疫苗目前要以-70℃儲存，運送難，成本高，解凍使用時易損毀，難倒很多發展中地區。希望改良版快點運來。 

日前聽聞：美國固然有很多上年紀的人已打針，但也有人不那麼順利。NYT話，千萬人口的紐約因爲大雪，一度全城只剩1,000劑。平均每人1劑，真喺好大劑！

不止此，注射中心爲了趕工，24小時運作。有人輪到三更半夜打。美國人雖然十有九自己揸車，但紐約例外，怕有成半人冇車。半夜三更打完，番屋企怕要靠Uber。但有得打總好過冇得打，鬼叫你怕呀，頂硬上啦！ 

祝我的紐約親友好運！