又係新的一週。清晨醒來，窗外陽光普照，我無不適的感覺。昨日玩港島，但除咗塞路，竟意外地平和。感恩！
本週對我好重要。上週係近50年來第一次再上堂，考做嘢既cert。到此年紀，目的係回饋，自然考親都OK。本週可能就會on call。希望週中平靜，俾我機會爲社會做番兩年嘢，也從中學下，upgrade自己。
昨晚港島《All Quiet on the Western Front西線無戰事》，原來〈警屯重兵 勇武派做一日和理非〉（AD）。
最近方知實時新聞唔夠快，開始學睇「靚媒」（但老餅夾愚鈍，的潮語暗語好kik手）。故昨晚就知有人避開西線。但以爲臨時會改去下個警署。點知原來休戰一晚。好！
不如「暴民vs克警」由街頭互懟改爲入酒吧「隊」。勝方獲林鄭grant a wish。前者怕要獨立調查，後者怕要繩之於法。但願賭服輸！
昨午手機首次收到「警方呼籲」短訊，提醒港島維園有大型公衆活動，留意最新消息。做慣新聞，我信係警方upgrade公關多過假冒。但今閱報方知，並非所有手機都收到，而且收到的時間不同。我用國網是16:37，但有本土網用戶早我2個鐘。愛國還不如本土？
但本週末是否8.31前的deadline?儲定乾糧，準備困在家三幾日？
沒有留言:
張貼留言