190814三晨30°C 81%：6.9以來「第一槍」

    清晨醒來，雷雨交加。幸而上班時分前散去。
    昨繼續塞機場，400航班取消。但焦點由停飛升級爲「舉槍」。
    原來黑衫加辣，由前日「和你飛」改爲「停你飛」。唔俾旅客入禁區，昨夜連搞嘢網留言都媽。
    期間又咁啱，最左內媒有記者來機場「觀察」，被黑衫當公安圍攻，要港警舉槍救駕。6.9以來「第一槍」（崔健話齋）當然要上頭。
   至此，她民望創歷任新低意料中事。意外的是：上任前，人人都把前任當極致，冇人諗到一山還有一山高。Next?
   港情：年中人口752萬。新增1%，內地單程證佔六成。大概冇學者做過呢六成人既階級分析。食呢行飯既，十有九很本土。
   週末有乜玩：週六紅磡；週日又係維園/軒尼詩道（申請緊。但批唔批都照行架啦！行完後既餘興先係戲肉。但到時見機走位，未必係行街區玩得最勁。最緊要係，你個區有冇好「狗」（黑衫語）竇，有就好大機會中獎）。準備接/避風啦！
    至今唯對外交通較少的豪宅區和「邊區」未獲臨幸。玩完散唔到水，局住等拉好大鑊架！
    一連兩位《獅子山下》前的女藝人離世。有冇人記錄佢地與港的故事？
    今有標題〈立會復修銅牆鐵壁變堡壘〉，使我想起兒時在內地的愛國教育：解放戰爭（國共內戰）和抗美援朝（韓戰）期間，都有烈士突入敵方碉堡下層，單手舉起炸藥包高呼口號立功。講歷史者，唔係煽動呀！
    國家領導人話懸賞百萬，追緝丟五星旗落海既衰仔個陣，我就諗，有人怕早已著草。港至今拉咗700人，最終怕不會少過1,000。搜證、起訴、庭審，頭尾隨時玩5年。期間不排除有人投奔怒海。
    今台港連線報代英女預告：〈港府大搜捕掀湧台「難民潮」 林榮基模式或不復再〉。六四告訴我們：港台地下圈子肯定有好多動作。但事涉生死，你我當然唔知，亦最好唔知。知都有罪。各人自求多福吧！