190813二午後斜陽32°C 72%：粉身亦已太遲

        午飯後外出踱步。幾天不見，路邊的樹幹貼了3個業主盤，2個寫明「移民急讓/割愛」。其中的「巨宅」呎數2字尾+2字頭roof+車房，叫價5字中，應該適合國家領導人。
       
       好在昨晚搞嘢網的「塞鐵」民調被否決，否則今起連日害苦百萬學生、打工人。兩害取其輕，寧可繼續塞機場、醫護抗議擴大到更多公院。
      由此看，班𡃁衝你，怕都計過數。當係冇腦曱甴就大錯。
      昨「還眼」之怒沸騰，機場癱瘓。林鄭今朝再次哽咽問：係唔係想將港推上「不歸路」，粉身碎骨？但其實，港一個月前可能就已「不歸」，最終也難免粉身碎骨，但唔係城市而係佢個人。至此，即使佢個人肯粉身，也已太遲。習主席話齋：「蘇州過後無船搭。」
         我的年紀加上職業習慣，以往只看傳統媒體+WhatsApp。Fb都懶掂。但「今日之怒」太勁，即使AD也跟不上，終要click入最大名既搞嘢網，睇講乜。
        但新世代語言，經常一知半解。不過睇落咗，確頗有板斧。建制的文宣、調度、統籌落後半個世紀都唔止。
       以下是林鄭記招後有人留言。一針見血，但又抵死。我自嘆不如：

      1. 30分鐘的記者，遲到6分鐘 。先減2分
     2. 想喊無喊唔出，交唔到戲。再減兩分
     3. 粉身碎骨，咁重要的詞語，應用行動表達，如撕爛講稿，浪費機會。減3分
     4. 回答外媒，竟然唔跟（外交部發言人）華春瑩講：我國內政，豈容你說三道四。減2分。
    5. 全情死狗唔耐煩的樣子。減1分 
   但最後提早結束，無謂浪費大家時間。加10分。

最後，抄錄今天的一節WhatsApp以爲記：
      我看不到出路。五項要求冇可能滿足，因爲雙普選早就被封殺。或因此，林鄭一味拖，中央又唔想出手。反對者意志空前堅定，而且有策略，精於宣傳，政府完全唔係對手。警察似乎又不善於應付這樣刁鑽的游擊戰。只看何時有第一個人倒下，全城暴動...到時大概軍隊唔出都唔得。中央想避免，但又嚇唔住呢班人。