190816五晨30°C 79%：準備見上帝？

    昨日唔單只庇護港靚既德國首次就港局開聲，美國特統更以「人道」對港作爲對華達成貿協既「先決」條件。

I have a dream.

    但後者利字當頭，有着數就隨時變卦，唔信得架！
    要信就信我地自己人。子弟兵話：係深圳「兩個字」（粵語）就過到離香港（雖然有靚話，沖繩既美國F-xx都係兩個字就離到）；駐外大使話：港若失控，中央就接手，令人想起日前本博引述既「妄」料：提前一制，理你制唔制，所有外籍港人都要做番老實既中國人。
    中華民族素來言而有信，一諾千金！或因此，保釋候審的戴教授禽日報喜：港即將進入「黃金時代」。即使趕住移民都唔使「跳樓」放手架。祖國一接手，香港資產即刻就好搶手。
   
   昨午又去深水埗。上週係公衆活動前一日去，行街訪故居。昨則係公衆活動後翌日去，但無關時事，端因家居設備突然short，去黃金求援。
   兩次相比，昨更有趣：烈日之下，市面如常。整機期間，坐係欽州街口既茶餐廳。唔睇新聞，根本唔知前一晚百米外的故居對家上演街頭劇感人催淚。除咗咁啱件衫爆線，臨時入戶外鋪買離換。靚姐用鄉音話（大意）：呢排多事，我地生意...，多得你地幫襯...。You are welcome.