190128一深夜17°C 73%：年晚剪髮新體驗

   過年前循例去剪髮。
   「古時」大約年二十過後，剪髮雙計，年二九三十甚至三計。男人多數逼埋係加價前一兩天去飛，閒閒地輪個零鐘。
   當時男人要吹波。加價前吹定，到年初一、二已散散地。但社會風氣慳，唔捨得雙計，寧可出門拜年時，落足髮蠟/乳，相當於如今gel頭。
   不知何時起，年晚剪髮不再雙計。直覺上，市民唔再興剪髮過年多過剪髮競爭激烈。起初有人外遊避年，但真正沖淡港節日氣氛的是九七移民。現在怕有近半人在英澳加美紐有摯親，不少人逢過節就過埠。爲了海外過年而在港俾雙計來剪髮，豈不笑話？
   今午上去幫襯咗十幾年既舊式「飛髮」鋪，竟有新體驗。見慣見熟既老師傅剛好有客。我以往十分鐘就搞掂，就像60蚊的日式連鎖。正拿出手機準備輪候，一個以往未見過的盛男行埋離，請我坐過去男賓部對面既女賓椅，話「我都得架，試下啦。」十幾年來都受那兩三位長者照顧，我一時反應不過來，以爲人手唔夠，請未滿師既幫手。
   我剪髮只求短、爽、大方、合符年齡，唔知興乜，甚至唔知點先夠型，懶得爲此額外花費。有人盛情，當作體驗，只要唔係唔出得街就得。坐上去，先電鏟後髮剪，很輕手，用咗唔少時間。我冇睇錶，只知每次上來，收音機都唱緊既港台粵曲播完一節，頭尾或有半個鐘。
   記憶中，呢間舊鋪十多年來從未加價，淨剪蘋果陋巷街檔。除非幾位師傅都上嗮岸，搞公社作爲寄託，否則實在難解。故每次光顧，都回饋幫我剪既師傅。今午亦不例外。
   這位盛年師兄若確係舊鋪的生力軍，希望有助女賓部。女賓的花費是男賓幾倍。女賓部撐住，也就可以維持對長者的服務，讓幾位老師傅得以繼續貢獻社會。
   謝謝各位師傅，豬年好運。