210803二晚28°C 85%：AI、東奧、留言...

昨午上gym，晚飯後唔想再「博」。今日仲有的酸軟，睇咗集《DCI Banks》，後來又走去睇Melanie Mitchell 2019年“Artificial Intelligence: A Guide for Thinking Humans”既簡體中譯《AI 3.0》。

在美國做研究的80年，趁晚上在大學修電腦，學寫以硬件為本的machine language。當時課堂上就提到AI。當時就想到：AI=用電腦模擬人的思維。問題是，電腦無論硬件、軟件，都本於機械的邏輯思維。但人還有很多思維是非邏輯性的，文藝、宗教…，電腦能否模擬？

後來在美國要搵食，沒有機會再修電腦。但其後這30/40年，電腦每隔一兩年就換代（Moore‘s Law說CPU每1.5年就能力倍增），由8088發展到今天，小焉者手機幾乎萬能，大焉者接連戰勝人類棋王。

我自然提不出任何科學理由，但感覺上，AI並非完全不可能模擬出人類的非邏輯思維。因為：軟件發展到某個程度，結合輸入的大數據，有可能邊運算邊自我學習、調整，成為帶活性的程序。

近年超級電腦戰勝人類棋王的原理不就叫做Deep Learning？超級電腦的programmer當初可能並未編入某些program，足以打敗人類棋王。電腦後來戰勝棋王，是因為棋王每下一步，程式看在眼裡，邊運算邊悟出原本的程序未想到的道理，超越了programmer。

如果電腦program有可能作某種程度的自我演進，則由純邏輯的機械思維，進而發展出某種程度的非邏輯思維，並非純屬科幻。

看《AI 3.0》的引言，這方面已有實例。有作曲家教電腦寫一節Haydn(海頓)風格的交響樂，與Haydn一首很少人聽過的交響樂一起演奏。座上客都是音樂家，包括音樂學院教授、學者、演奏者。事前講明一首是正牌，一首是贗品。聽完後請大家定奪。

結果，大部分座上客都真假顛倒，覺得贗品更似Haydn。音樂大師若再生，實爆血管。

同樣的，記得有人教電腦寫小說、詩歌，成品的評價竟然高過某些作家。

當然不能太誇大電腦的能耐。但今天的電腦已有一定的非邏輯思維能力以呃倒人。唔好以為你創作既才情一定叻過電腦。

以上已經寫了很多。餘下就盡量就我想寫的，一樣一句。

東奧：

1.中國大豐收，開賽以來一直居首，近日且與緊隨的美、日拉開差距。中國近年被美國將得軍多，如今終於出一口氣。

2.香港這次，我覺得比何詩蓓2銀更值得高興的是：打破陰盛陽衰的宿命。幾十年來，得獎的都是女子：李麗珊、李慧詩…（除了傷殘運動員）。如今終於出咗個張家朗。希望男子繼續發奮，拉近與女子的距離。

3.同樣重要的是，white empire突然strikes back。以往徑賽金牌係黑人既囊中物。但今次竟然接連被挪威、希臘…既白人跑出。唔知倫敦既Lloyd’s派幾多？一個很重要的原因是：美國黑人幾乎仆到直，尤其係男子。不會與疫情有關吧？唔係反黑人，捧白人，而係任何一個國族長期壟斷，其他人冇得玩，都唔係好事。希望大家都有機會出頭。

4.同樣可喜的是，今屆獎牌proliferation。雖然誰撞著中國仍然當衰，但仍然有好多獎牌落在以往不見經傳的地區和選手手上。例如：美國的加勒比海屬地波多黎各，連奪徑賽兩面金牌。還有一些，我懶得查數據了。

5.但反過來，我不會為只有幾萬人的歐洲St. Marino和加勒比海的英國屬地Bermuda得金而驚奇。因為，要看這兩位金牌得主的過往。正因為這兩個國家太細，這兩位高手都是白人，有可能從小去歐陸或美英入學寄居比賽，在外地練成體育本事，與本國幾乎無關。西媒為了宣揚國族平等、David也能戰勝Goliath才做大。

6.香港經過張家朗和何詩蓓的兩大高潮，回復平淡。其他項目靠個別選手撐住。一到團體賽，就因為人手唔夠平均，準決賽止步。革命尚未成功，同志仍需努力。

7.今次美國唔知點解，徑賽幾乎仆直。唔係因為疫情呀嗎？

8.有趣的是，日本獎牌總數穩守第三。其中兩枚來自本屆新增的街頭滑板，兩個金牌得主都係十幾歲既靚，女的更只有13歲。唔好躂傷呀！美國黑人係呢方面唔係好得既乜？點解冇嗮聲氣？

9. 反過來，德、法兩個歐陸大國今次好差。德國係分裂時期，東西的獎牌夾埋幾乎頂得住美國。如今沒落至此，令人唏噓。

好多謝各位網友。呢個博十幾年來，昨日的留言最多。

Who's to blame的確很關鍵，我一直想講，但每日一落筆，不經不覺就講了其他的事。我的興趣很雜，對政治又一向gaa meng。

但自問平心而說，希望對解決問題有幫助，無意偏向任何一方。

當然，如今的社會絕對對立，無論點話平心而論，都唔會討好。你唔幫定一面，就難免被鬧係幫另一邊，至少係投機…。

華叔走得早或者係好事。如果活到19年-20年，面對連月巷戰、國安大鍘，恐怕唔係俾的後生鬧，就係俾人拉。

但華叔同Martin從一開始，就代表民族vs非民族既兩種民主派別。泛民也自然在這兩派裡各適其適。

但華叔我又唔覺得佢最後既日子心智不清（留言怕係指老人癡呆）。佢走前幾日，有朋友去醫院探佢帶埋我，我地仲推住佢係輪椅度遊花園。佢並冇呆呆頓頓。

抱歉，訓了，第日再傾。