231023一重陽夜26°C 83%：社會的變遷

    今重陽適逢週一，造就長週末。
    天氣繼續秋高氣爽，方便掃墓。但濕度較低，反過來也增加山火既風險。
    但重陽除咗掃墓和登高，到底有乜意義，真係問起我。甚至懶得Google。
    香港近年似乎有幾個趨勢：
1.多自殺，尤其係一老一少。老人可以理解（唔等於同意或任由其存在），但日前一日內有兩個中一生，此前兩間頭牌大學各有一生。
    而家關愛壓倒一切，對於這類不幸，只能同情關懷協助，例如八大呼籲多關懷學生的心理健康。
    言下之意，似乎不應同時問：生於和育於富裕時代的X、Y、Z…世代，會否也有點過度pampered，心理承受力弱，容易要生要死。

    以前匱乏時代，家庭、學業、感情、打工…不如意事肯定多得多。但人人自細見慣社會環境，包括父、母養家育兒的壓力，覺得社會就係咁，唯有忍氣吞聲頂硬上，希望靠自強晉升，最終跳出苦海。當然，成功的可能只有20%，但絕對冇咁多後生會念輕生。
    如今社會富裕、觀念進步、尊嚴首要、平等至上、創意第一，人際關係稍有不慎，隨時上綱上線為歧視、欺凌、虐待、傷害。
    此外，重複既工作被認為冇意義--雖然現實中，社會上100工種裡有99種，日常99%既工作都係重複既。人人坐地鐵、巴士。你想個車長每次出車都念的創意，出的唔同既招數，例如踩break似跳舞，邊開車邊同乘客講下笑，定係每次都同上一輪咁穩定？同樣既原理適用於所有涉及行政程序既工種，包括你父母而家做緊離養你既工作。
    只有完全唔涉及“量”的極少數工作，才有可能講創意。這通常係精神領域的行業，例如文藝。一個社會如果年輕人十有九只願意做精神領域的工作，個嗰社會遲早玩完。
    再說，而家既師生關係與我番學時倒過來。個時老師至高，學生冇聲出，上堂抄筆記，落堂背筆記，考試照搬，冇人敢問有冇道理。我都唔贊成，但當時冇法子。
    而家既師生關係反轉：學生係交學費/稅款，向老師買教育既消費者。買家永遠是對的，賣方必須令買家滿意。因此，老師上堂要輕鬆，落堂要與學生打成一片。功課要少，必要時教學生做。學生如果覺得返學冇癮，對老師既壓力好大。萬一覺得受氣，老師更有罪。
    如果舊時教育盲從老師，而家則以消費觀念來出賣教育。
2.多車禍：幾乎日日有傷亡，睇到麻木。除咗鬥威、醉駕、藥駕、疏忽…，也多老駕，好似我呢個年紀繼續揸車搵食。當局有何對策？能否治本？
3.多當街斬人：一則似乎多屬‘社團’出手，二則落手既幾乎都係本地最大既兩個少數族裔。
以前有冇咁多斬人，我冇統計，但而家幾乎十日八日就有一單。

    斬人既刑罰相信幾十年來冇乜變。但而家司法對被告的保障，亦即確保被告獲得公平審判，應該進步咗好多。

    我讀中學時住係欽州街深水埗差館對面。半夜夜闌人靜，不時俾淒厲既男聲嚎叫“阿Sir，我唔敢啦！”嘈醒。係人都知乜事，但當時見怪不怪。而家肯定俾媒體置頂：仲唔對死黑X你！
    社團斬人多，係唔係佢地既業務競爭大過以前？
    至於刀手改為外裔，是否佢地敢死、收得順？如果係，我地似乎也面對西歐富國的移民問題。長遠點解決？