231021六晚22°C 75%：有辣有唔辣

    連日日間20中°C，港式秋涼。氣候專家休息，輪到建築、房屋長官表演。
    特區年度大事《施政報告》（相當於美國總統的State of Union Address國情咨文）公佈前夕，要放的好消息、展示的決心和威力。
    好消息係終於‘徇眾要求’：買樓稅款‘減辣’。
    地產界想一次過撤辣，當然嗷嗷聲。但居中落墨、睇市場反應再行下一步係在位者既現實。    

    咁減幾多呀?係現行辣與撤辣之間，近邊頭多的？萬計的負資產業主怕會問，三個月內，可望托番起樓價幾多%？
    至於展示決心，則是首次對多次發生工業意外，造成人命傷亡的建築公司直接釘牌。
    以往，香港政府對大公司出事的問責，慣性循序漸進：警告、罰款、暫時停賽…。而且執行時，通常顯著地lag。至於紅牌，似乎從未show過。
    感覺上，官員的心態一則怕事：依法追究多好多野做。就如警察要拉人坐監，先要收集足以說服控方和法庭的證據。搵證據已夠煩，有咗證據仲要寫法律字眼既report。公務員收取定薪，係人都想准時收工，額外既事可免則免。
    二則涉及經貿、生產技術既政府部門，對口好多係大商家，例如今次既名牌工程公司。自己將來退休，好大可能過去搵真銀，在位時要與行家好好相處。執到正離做，最怕俾同事覺得倒米，內外不是人。
    以上既一和二乃人之常情，換邊個做怕都難免，程度上較輕就算難得。
    希望呢次開個頭後，多少能減輕公務員上述一同二的壓力。唔係要將死業界離博升，但至少促使業界執得緊的，減少頭條，讓工友做得順氣，讓工友既家人放心。