231005四1號30°C 57%：港隊週六good luck！

    颱風又來了，驚唔驚？

    上次睇港足鬥外隊，怕有40年。

    昨晚本來也無意睇，但見港台即時報道落後0:1，好奇上網睇直播。
    惜接收差。最怪的是一開聲就凍結畫面，最後只好睇默片。
    更唔好彩既係，遲開錯過了第1個波後，由於收音故障，等到我認命，關上聲道睇默片時，港隊已失卻第2個波，敗局底定。日本隊其後入既2個波純屬錦上添花。
    要給港隊credit的是：博到最後一刻，冇放棄，唔似我所知的年代，一落後就放per。
    但昨晚可以批評的是：唔止一次，搶波時出手難睇。弱隊求勝心切，用超技術搭夠或在所難免。但香港在亞洲以文明著稱，切勿自毀長城。
    週六晚或者再捧一次港隊vs烏茲別克的銅牌戰。Good luck!
    昨晚港足完場後，電視台點算亞運獎牌榜。不怕說，我睇到唔係開心而係尷尬。
    一眼就覺得，中國（內地）的金牌>其他各國地區的總和；金+銀+銅合計相信亦如是。
    其他國家的人心裡會否嘀咕：贏我有乜咁大不了，有本事同西方人練過！
    何況，這次的亞運，好多項目似乎超越奧運，係東方甚至東亞的特技，例如圍棋、中國功夫甚至中國象棋（我沒有注意是否有中式踢毽子）。呢的項目是否衝得出東亞？如果不太可能成為世界性項目，難免予人辦比賽頒獎俾自己的閒話。