200427一晚：恭喜張醫生

全球唯一中招的政府首腦復工。 闊別三週更曾入ICU，武肺之頑強由此可見。

或因領過嘢知死，此前hea疫的英揆態度強硬，堅拒放寬社交距離。

英國已有2萬人被帶走，特別是長輩。確診增幅仍高，相信漏網之魚不少。英人會否諒解？

恭喜張祝君醫生(好奇：你既英文名點解係Shuk而唔係Chuk。唔通你阿爸好似我阿爸咁，係外省人？)，這兩天與美國總統有同好之誼：暫停每日的抗疫記招。我們是因為無新增確診；特朗普是因為發言被媒體「歪曲」，拒絕被玩。

希望張醫生明天繼續休息。

政情本來就預咗為疫情接力。但偏偏有人火上澆油。官大人用「高尚情操」來形容斬黃絲者，厲害過內地同行。

建制的素養又真係與反對者差幾條街。即便有公權力護身，仍長期挨打。

我最怕一面倒既資訊，理佢黃藍紅黑。舊老細親自拍片訴說經營困難，呼籲訂閱他的勁報，我都pass。

八成講抗暴，標題都scroll到怕。兩岸國際越來越少。朝早只好用黃絲眼中的左膠報做主糧，日間靠港台的即時update。