200418六晴25°C 78%：既搶先封城，也應搶先公佈

   武漢封城後不久，網上就傳醫院爆煲，有患者被拒收，在家病死。當時忙亂，漏報、誤報、錯報可以理解。
   但內地新增確診和死亡率回落至0.X%，至今已不止一個月。各省市去湖北支援的醫護、軍人都已「凱旋」。國家爲抗疫厲害而振奮，展望因疫得福，趁西方重創，疫後趕超美國可望。
   但同期內，應有時間釐清高峯期的統計錯漏，敬告天下，真的做到抗疫No.1。
   如今等到英、法兩大疫情國跟埋美國「反華」，暗示中方隱瞞疫情，武漢才在24小時內急增疫症死亡數字將近50%。好心腸就相信，新的公布接近事實，但被人篤先認，好失分；壞心腸就會丟，摑一巴就認多的，咁即係唔摑到夠都唔認嗮啦！拉下去，給我痛打三十大板！
    月內每日都過訪英文的實時統計中心。過去個幾月，內地確診停留在80000+，逐一被後發的歐美富國超越，現已跌到第7，緊接着就會被伊朗、土耳其趕過。但以天文級的14億人口，統計上purely by chance，可唔可能成個月都咁少人中招？
    True, China has to give a better explanation to convince the outside world. 尤其因爲幾十年來在資訊發布上的往績。