190224日陰15°C85%：「淪陷」、「摺」機、wordplay

   高鐵和港珠澳大橋相繼開通後，「淪陷」又甚囂塵上。今天的話題是內地女客逼爆最名貴的私家醫院，等打防子宮頸癌疫苗HPV。原因：內地冇貨或怕假貨。
   這當然令人想到大灣區打通後，更不得了。商家大把錢賺，但一般港人怕冇定企。融咗香港似陸續有來。日前閱報：
   本土冇得揀？英國《FT》話，香港遲啲會開6間虛擬銀行，但其中4間係內企：小米；「螞蟻金服」(阿里巴巴)；「財付通」(騰訊)；眾安在綫 + 信銀國際。
   本土派只剩1間英資實體銀行同「電訊」可揀。但實體銀行好易被人鍊住條頸個噃！咁即係本土唔使玩？
    Fold起：三星搶先公佈第一部摺屏手機：講電話時摺埋4吋就夠，做嘢時打開雙屏變七寸平板（上圖）。
    Galaxy Fold開價～US$2,000，幾乎10倍於我部國貨。以每方吋屏幕計，百倍於電視，絕對夠身份。到時怕又有搶電話新聞。
   iPhone X定價高滯銷。Apple據說因而炒市場女總監。快的同佢平反啦！
   屏幕可fold/摺當然好。但只怕貴到小貓三四隻，最後連個型號都fold/摺埋。

   wordplay：台報說，台灣獨立電競製作團隊「赤燭」推出新作《還願》，上線後一度有10萬人同時觀看。但對岸發現，內藏大陸最高領導人名諱（下圖：原載MP190225）。
   業者暗藏咒詛，台報也借勢演一手。這裏的「台灣獨立」，指「赤燭」公司「所有權獨立」、無合作者也。何來政治矣？
   中國自古有文字獄。很多事不能直說，令國人鍾情wordplay。