2月第一天，不能斷博。
還有4天就過年。下午與家人去荃灣地鐵站附近的一家小餐廳，順便辦年貨。
果然很有特色，以我白癡的標準衡量，正宗西餐，但本地人煮俾本地人食、價錢本地，連服務員落單都用中文。頭盤加蟹、海鮮呢類唔算cheap既主菜，配拉花咖啡，100出得門。
唔同中環石板街周邊西人煮俾西人食既鋪，午餐冇200免問。店裏即便華人，也多講英文。
此店的文化也跟得上時代：謝絕飲筒；貼士入在專用的信封裏。
希望佢做得住，讓本地人有一個自己既地方，唔係非要去西人區出血。
至於辦年貨，其實只是食一餐既藉口。家族過年以族長和三小所在爲大本營，不會麻煩到我。我又唔食糖果，買來最後還要搵人承受。
但既來之亦循例買之，滿載而歸。近放工時間，與家人抽住大細袋，包括年花坐地鐵回家，竟然唔逼。難道有市民週末下午就提早攞假出遊？
荃灣相對北區有個好處：不近東鐵，街邊縱有個別似乎是上面落離買金沙既年貨客，但看似自用，非轉售圖利，不構成滋擾。
一間廉價連鎖超市的收銀對同事說，今日”二十萬，聽日仲多...“，以下聽唔清楚，但似乎是係咐安排好這兩天年貨衝線的找贖、銀行解款。
明週六，基本上已是過年長假的第一天。週一年三十，除了服務業，所謂上班其實係咁依。
昨新聞說，兩大淪陷俾內地客。睇相係幾恐怖。如果我今天讀大學，怕都會變本土。
高鐵和大橋通車前夕，官方力sell。但公衆場所已有人一針見血：“唔係我地上去，佢地落離呀！”的確，我地有購物安全、法治保障，佢地既人口將近我地200倍，200人裏只要有1個落離兜個圈，我地市面就足足多一倍人，唔爆就假。
上次上水淪陷。梁朝將每日一遊收緊爲每週一遊，淪陷從頭條上消失。於今應有四年。現在拜大橋通車，又再淪陷，甚至入侵最反的高等學府。起來，不願意淪陷的本土！
最近的問題在中環就很明顯。下午時分，對正匯豐總部的地鐵出口經常有導遊舉旗，鴨仔跟隊隨後，看似步行上纜車站。
且看林朝如何自處？
中美兩天談判結束。中方想憑着3萬億外匯儲備，靠買美貨縮小逆差來過關，避開從美國拿來技術、對美企開放市場的根本問題。
狂人非白癡，我都明既道理，佢點會唔知。佢冇即時否定，500萬噸糧食既訂單袋住先。中方不排除係利用狂人想連任既弱點：用訂單幫佢收買農業州份，提高連任成數，換取佢放生中國的結構防衛。
這總算是一招。但狂人冇咁蠢，恐怕還是他慣用的招數：着數收咗先，過後再開炮離過。
沒有留言:
張貼留言