170826六 28°C 83%：「天鴿」，澳人話慘，港人話「正」！

    正之一：多年一遇。勁風難得打到正，沉悶的鋼筋森林有奇景。豪宅吊雞上演空中飛人，全球港人瘋傳。
    正之二：難得日間來襲，而唔係夜晚到天光走，呻七八九3個月冇紅假的打工人多了一日可以喘息。Perfect timing!
    正之三：暑假結束前，難得天倫日。全家日頭困係屋企，父母得以陪仔女，仔女「被迫」對住父母。傍晚更落下風球，一家得以出街食飯。Another perfect timing!
    正之四：造就澳得以對港展示文明之師。但港人怕佢哋太威武，十級地震都唔會開聲要幫手。此外美中不足，多位戰士救災中途不適，體質顯要改進。與印劍拔弩張之時，莫讓對手笑話。
    正之五：純屬我個人，但全港同好肯定過千。公院專科複診撞正十號方知：蘇州過後真係冇船搭架！爲此複診照咗多張X光、驗咗血，初以爲打風後過幾日會補見醫生聽報告。原來，去醫院領回的預約紙係三個月後，只不過俾多三個月原來的藥。期間萬一有事，睇急症啦！
   問醫院，咁事前的檢驗係唔係作廢。答案係：如果有問題會來電。換言之，醫生應已睇過片和驗血數字，唔打俾你就係OK喇。
   與公院常客談起，我這種百中一遇怕又是無奈的事。專科一週五天，診症的名額或已達105%，唔可能番睇被風打甩的病人。唔該你地照食食開既藥，祈求三個月內冇事。借用句歌詞，"May God bless us, keep all diseases far away from us!"
   我應該可以放心，但怕要買六合彩博一博。