230616五晚26°C 93%：我有Apps phobia

    難得上午出外辦事。撞正黃雨，兩個鐘後回到家仍照頭淋。香港霪雨不多，撞中亦算有運？
    手機日趨萬能，購物、覓食、申請、預定、付費…都要apps。有的嘢只能用apps做，唔接受上門辦理。
    在家雖然日日都用電腦，但手機熒幕小鍵盤更小，加上熒幕轉眼就熄，高齡人眼慢手慢，手騰腳震。

    常用的用戶名、密碼少說也有十種。每個apps都要鍵入，按錯一個鍵就被踢出app（apps為了保護用戶，不顯示鍵入的符號，打錯字都唔知，只知道被reject），甚至被網絡懷疑係hacker，心理威脅很大。
    今晨不得不專程去辦事機構，請職員教我裝一個app。搞足成個鐘，先後要兩個職員幫手先完成。萬二分多謝！希望下次自己再入呢個app時順利過關。
    過程中最開心既係：發現該apps接受指紋（稱生物認證）進入。
    我立即話O。善用手機者或寧可鍵入密碼，怕指紋被「送終」。但老嘢冇乜把柄，只要指紋能簡化程序，唔理得咁多。容貌辨認我都唔怕。你個樣，身份證檔案都有啦！
    記得八達通初出時，提交立會討論。泛民有Orwellian nightmare，驚當局用出入地鐵巴士、商鋪的記錄來track人。香港近年的一些問題，就係因為有的人prgressive過頭，凡事驚到盡。唔知道2019年啲黑衫人買一次過既飛搭地鐵去上街，當局係唔係就拉唔到呢？

    有留日期間上街「為港發聲」的女生回港後被捕，近日上庭。原來被人係日本spot and report。黃人怕會問：告密既係「港藍」定歐美說的「外來警察」？但whoever they are，關鍵係想玩野就唔好再返離。網絡時代，欲要人不知，除非己莫為。當局手頭有成千個cases，我估都唔想你返離增添佢地既麻煩。Simple and naïve到咁，冇人得益。