220809二晚26°C 93%：針冇兩頭利

抗疫唔止2.5年，好多人好攰。炎夏，人人想出去玩，

海南既中國夏威夷三亞爆疫，一度8萬遊客返唔到屋企。

新疆好似也因為遊客，有的case。

連連續清零920日(~2.5年)既西藏都破處：4遊客中招，日喀則市民要企街等檢疫。

想冇疫？去冇嘢玩既窮鄉或者好難去既深山啦！

注意：以上講既係堅持清零既內地，唔係與毒共存既西方。講到底，面對呢種傳播力咁厲害既病毒，世上恐怕冇乜地方能獨善其身。

至於明知遊客可能會帶入疫情，點解仲開門迎客，好簡單，長期冇客就冇收入，坐吃山空。有人話齋：寧可病死，好過餓死！

因此，全世界一樣：明知開門迎客難免輸入疫情，都要頂硬上，最多小心的。門罅只開到自己能夠承受的大小，同時𥄫實的，將外人帶入本地的風險減到最低。

好在新冠而家既變種症狀似流感，只要打夠針，除了老人和長期病患，重症百中無一，死症怕千中無一。

因此，現只有雙手互搏：一手防疫，一手開放。若其中一手過火，立即用另一隻手去補救，不讓疫情失控。目前係抗疫為主，開放為輔。希望呢個主次做得好，能夠進到下一個階段：開放為主，抗疫為輔。咁就接近復常啦！

當然，冇人知道，下個變種會唔會變惡。但科學上多少可確定，新冠冇可能變成惡性瘧疾、伊波拉咁毒。咁就中招當被冚啦！