220628二晚30°C 75：的確應該係誤殺

近日，香港一成人很忙，確保領袖蒞臨順利完滿；九成人很閒，坐待大慶降臨。

疫情平穩，警報解除；至於保安，歷經2年掃蕩，對手早已破敗，只須擺出強勢，就無人敢動。

這包括：展示搜獲懷疑出於政治動機管有的武器、請特種部隊（相當於內地的武警）著新制服持槍行beat、從內地引入防暴裝甲車。

有人會視為「高壓」的證明。但我猜：當局示強，其實係pre-empt，嚇住所剩無幾的呢類人唔好郁。

看近月的姿態，上面想懷柔多過強打。拉人起訴投獄，市民唔Like，司法做死，政府分心，予西方藉口。因此，只要死硬派不輕舉妄動，就可騰出手來，從民生經濟角度執番好香港盤棋。捱過呢十年八年，港人在政治上也就騰籠換鳥，唔再好似英治下成長個班友咁反。。

因此，請特警show quali，目的係嚇住班人，而唔係想出手。你唔Likey，唔該你閂埋房門，唔好俾我見到。我大把野做，唔想係你班人身上嗮時間。但如果你逼我，我也絕不客氣。Your choice!

6.30-7.1，餘下唯一的變數係天氣。據說到時或有風雨。但周四五天氣即使不穩定，相信也只短時間影響局部地區，與領袖在港的行程無涉。

就09年的眾多案件，自由派媒體慣性地用對被告有利的角度來報道，這種疑點悉歸被告的英美法治，去到盡其實好sick，反過來造成好多厭惡性的後果。Vigilente、Dirty Harry的反動就係咁離既。

係呢方面唯一值得稱讚的是：青年擲磚死人案，法官主動將控方主張的謀殺，改為誤殺。

因為按常理，涉事青年當時無疑瘋狂，但並非刻意針對死者，而只係盲目地擲出，咁啱撞到正。若真係想攻擊死者，恐怕唔一定有咁準。因此，誤殺係啱既！