220620一晚29°C 78%：香港好唔好？

請為她祈福：24歲的何詩蓓休息了半年後，再次因腳踭的傷患退賽。

本地確再增~1成。

再過2-3天，父親節家庭聚會的傳播會令日確增幅>1成，源頭多來自食肆。但除非不巧有超級傳播者，否則仍屬可控。只不過10日後的回歸25週年慶典會更緊張。

比較出奇的反而是：長期追隨內地清零的澳門反過來失守，要與珠海一併收緊社交。不是被香港傳入吧？

記者出於你我都知既心理，追住幾個冇得留低既問責官，係都要篤餐飽。

好心啦！人地都走囉，還不如留番的精力去追班新貴。後者先關乎750萬人未來5年的福祉！

再講，出局既高官通常好快就有高薪閒職俾佢地落腳，到時先鋤都唔遲。

港記似乎永遠係勤力可恭、深度可歎，多少反映港人快而淺的思想水平。

其實，單看過去5年鏡頭前的對答，就懷疑現政府有好幾個問責官點可能係400萬一年既精英。林鄭顯然相人有愧。希望呢的人今後唔好再尸位素餐，老老實實做個中層管理啦！

呢兩日回晴。預報會好天到下週一。俾攔門雨屈係室內十幾日既朋友，大可趁機報番行山既仇。

今午我也終於去食番個大排檔乾牛河。炒得仲可以，但牛肉老。找數時，事頭婆連聲多謝，我也好唔該佢同一眾員工的努力。

幫襯咗十幾年。彼此唔識，冇問姓甚名誰，甚至刻意唔問，但顧客與顧主彼此尊重，甚至多謝。這就是 「人情」：人海之內的情味。

香港好唔好？我覺得就關愛來說，最近呢30年，進步咗好多好多。而家大家普遍尊重大家，有同情心。唔再係當初難民時代，好多人迎上踩下。而家冇人敢唔尊重窮人、弱者。老弱傷殘行過，大家都會自動讓路，知道人地辛苦，敬重人地既努力，希望人地好！

中青兩代唔Like政治待遇，絕對可以理解。但當初爭取待遇時的立足點完全脫離現實。最後變成上位者反過來用毛澤東矯枉必須過正既殺手锏，將問題推向另一端。

他日要回到合乎香港的地步，恐怕真要10年。我應該是看不到了，你地good luck。