7.1前夕，未來的北部大都會竟然玩斷電大「熔斷」。百萬居民成晚好「㷫」，更有人wan𨋢。下週五就大慶，千祁千祁...！
唔知由幾時起，將港人遊日講成「回鄉」？本土意識發展至此，又難怪要引入新時代。
~700萬人被困在港2年半後(估計期間得以進出香港的市民唔夠50萬)，今晨終於有10人得以隨團遊日。此刻應已飽餐咗拉麵、壽司、吉列飯。玩得開心的！
記得20年過年前剛爆疫，我第一包口罩係當時有友人係東京玩緊，順手掃番離既。
港唔爆第六波的話，今秋可望每日有百計港人重遊舊地。爆疫則回港隔離必延長，攔門卻步。
我好明港人點解最鍾意去日本。我完全唔係旅行家，但要我揀，日本都會係首選：環境優雅恬靜，安全整潔，條理分明，貼身服務，顧客絕對係king，消費平過香港....。想要精神面的話，行日本的山川、神社，也比行中國內地更接近靈性。
但反過離又好明白，好多我呢個年紀同背景既人拒絕去日本，更唔明點解港人咁沉迷日本。
這首先是基於戰爭年代的教育。我呢代人其實日本投降後先至成長，冇走過戰難（幼年時走難，反而係「避秦」。我就係跟阿爸坐大飛離香港既，我呢一生都好感激佢。下次拜山，要記住同佢講）。
我呢種背景既人唔去日本，另一個原因係去咗北美讀書，
一來受美國影響，而美、日呢兩個民族的習性剛好相反；
二來其中好多人留學進而學留，係北美住咗大半個世紀，由於地緣因素，與日本在人生上毫無交叉點。北美既港人會回港探親，但直飛，唔會停日本；旅遊則唔係係番北美就係去歐洲。
所謂美日習性相反，美國人最自豪既係open、free、有話直說，有屁就放；日人則即使內心好想，面對面時，都要按傳統，好模糊咁甚至作狀推卻。美國人睇唔起呢種東方習性。住慣北美影響既港人，自然也唔欣賞呢種日式「虛偽」。
晚了，日人既「虛偽」，係剛做完既日劇《持續可能的戀愛？～父親與女兒的結婚進行曲》，年青一代與長者一代都一再演出。好奇的話可以試睇第八、九2集。對我來說，呢部係幾年來最好睇，也最感人的倫理喜劇。三個主角：上野樹里、田中圭、松重豐都是我最的favorite，尤其係上野。係女星裡唔算靚，但予人好誠懇既感覺。
但如果你嚮往Just do it! 咁日劇就唔啱睇！
Good night.
沒有留言:
張貼留言