190628六晨31°C 78%：對華最新出口違禁品

   AD今日國際頭3條既標題總結得好嘢，一睇就明。玩股票既話，甚至足以幫你決策。將3條標題連成句子也就是：

   Apple轉型，設計師發揮空間銳減，與Steve Jobs合稱「矽谷Lennon and McCartney」既Apple復興功臣、極簡美學設計大師Jony Ive離巢，創辦LoveFrom自求發展。

   八卦的話，咁啱咁橋，John Lennon同Jobs都英年早逝，僅Paul McCartney和Ive在生。

   唔使講，Ive早已成爲國際科技戰略的頭號爭奪對象。身在大阪的阿Trump怕呢一分鐘會同習生講：Jony仔既LoveFrom係自由世界對華既出口違禁品，唔准接Huawei order㗎！邊個違反禁令，我打到佢趴！

   至於我話AD標題叻，純粹係出於本行：新聞角度+文字功夫，並非政治上爲其作嫁。我好希望《文匯/大公/環時》既取材、用字都更厲害，打到班反骨仔女嘔血。愛國加油！
   但現實中，又似乎反骨仔女大都有創意過建制人。原因可能係思維方式。建制人照板煮碗，甚至不會去想天馬行空。反骨相反討厭循規蹈矩，日常可能行行企企，看似頹頹廢廢，但往往不按牌理出牌，一出手就玩嘢...。
   最近香港空前反骨，長時間成爲國際頭條。藉機G20國大阪峯會，在港公開用10種語言呼籲各國「拯救」香港，在全球各大紙媒上登全版廣告嗌「救命」。由告洋狀升級爲告「球」狀，孰不可忍！
   當然，第一個想到的是：全球登廣告，千萬港元起跳。邊度離咁既錢？Trump似乎唔係好Like CIA，應該唔會咁慷慨。唔通AD（唔係AP呀！）既Jobs因爲最近香港反潮紅遍天下，本來既仙股逆市狂升，套現咗幾十億？
   以上純屬笑話，週末三天開開心心迎接回歸，切勿當真。

附：其他報紙同一條新聞的標題：
〈iMac iPod救活蘋果 設計大腦離巢創業 未有替補人選 股價應聲下挫〉；
〈iPhone設計總監離職 蘋果失「靈魂人物」iPhone設計總監離職 蘋果失「靈魂人物」〉。