利物浦2:0贏熱刺奪歐聯，賽果整體合理。但其中一個是手球，再次彰顯了足球球例的缺陷。
1.一場足球，感覺上平均兩隊合計大概入3個波。
2.禁區手球當然的判罰是12碼。以歐洲一級球員，比如說，甲級聯賽的頭1,000球員，入波的機會應有8成。
1+2：換言之，只要不幸有一次禁區手球，個隊呢場波就輸咗一半--無論其餘個89分鐘踢得幾落力。
而所謂禁區手球，有兩種可能：
a. 守方主動：特登用手擋波以救波、攞着數：判守方12碼兼趕出場，絕對正確。
b. 守方被動：攻方踢埋離，隻手hai到。這又有兩種可能：
b1.攻方無意。守方想避，但避唔開，俾個波省到。又或者見個波省埋離，守方本能地伸手自衛：責任似乎不應由守方負。但現在照判，就如呢次熱刺輸個個波。
b2.攻方唔知點解，個波好似迎面省埋離，守方中招。責任：若看過錄影證實，是否應判攻方輸12碼兼出場？
但現在無論a、b1、b2，得益既都係判攻方。
當然，我唔相信有好多攻方球員會出b2既喇渣招。但在1球定生死既最後幾分鐘，不排除會有人博一搏。須知道，一個人有兩隻手，每隻長一米，激烈運動時，隨時靠雙手來平衡身體，揮動既範圍好大，俾個波撞中既機會唔細。hai膊頭下兩寸都算12碼，係唔係有的冤枉？
名義上，雙方被屈既機會均等。但攻勢強既隊贏12碼既機會，當然大過攻勢弱既隊。
以今天電腦、大數據之發達，這個問題其實完全可以做科學研究：
1.算出過去40/50年來，歐洲甲級球賽雙方每場合計的平均入球數。我猜大概是3-4球。
2.統計同期內，有多少場曾經判禁區手球、雙方合共判咗幾多個，佔所有場數的百分比。
3.算出同期內，因禁區手球判罰12碼的數目（幾多個，唔係場數），又其中有幾多個罰球入波，得出比率。我猜大概是80%。
4.這些手球判12碼的賽事，最終比數是多少，12碼佔勝負幾多%？
5.最後計算出，對所有賽事來說，包括冇判手球的賽事，禁區手球佔勝負的機率是幾多%？
當然，研究者還可以翻睇錄影，睇手球裏大概有幾多%，守方完全係被動的，本能地自衛或無意識地掂波。
換咗有相當數目入球的球賽，例如每場上方平均合計有10球，禁區手球左右不了大局。但當1球就足以決生死，尤其是國際獎盃，所做成的幸運/不幸成分，足以壓到球員的努力，令守方泄氣。博嗮命，明明守得好好，但就係咁衰咗，你會服？
沒有留言:
張貼留言