190609日大遊行深夜：死結死結

24萬肯定唔只。103萬又太「精細」，你估有國安既辨認科技咩？製造超越8964既100萬之數，以證港人有史最惱之卦？
我比較相信超過2003年既50萬。
但無論如何，我估都唔會撤回。關鍵在北京落唔到面：全世界都可以引渡，唯獨你老豆我唔得。我咁厲害，叫我點忍？
何況，我正與美國撼緊，點可以示弱，俾人笑自己仔女都管唔掂？
但唔收科，港人又點肯。死結死結！
8.31個次引發佔鐘。呢次應該唔會，但睇罷更麻煩。
班靚好叻，學得快，連毛主席當年打敗國民黨既戰略都活學活用：打游擊戰：運動戰，化整為零，全球散開，與港同道內外呼應，有理有利有節。在港的做烈士，在外的做鬥士。
相反中國在可見的將來比較孤立，大國裡只有俄羅斯一個朋友。其餘的friends大都不登大雅之堂。