170613二25°C 97%3號：台綠-港黃連線，林鄭快拎23條出離！

   昨食晏時已知幾小時內轉八號。但飯後見雨已停，趕去gym，逼自己活動。堂上連我只有7丁，十幾年來最冷清。但未夠鐘就被人以逼車為由催落堂。怕想早的清場收工啩。
   等車回家時正值收工，人龍處處，經常要繞道而行。原來5:20轉八號。打工人肯定鬧爆，好心早個鐘「掛」（指粵語的波，唔係國語）。
   飯後趁八號早瞓，醒來已3號。今晨本欲執埋個project手尾，點知閱報有大鑊。
   正好道歉。日前開場白話林鄭的第一波。潤飾時忙了刪去最後一句，網友睇唔明。
   網友許熟悉英國，有感於這場Mayterloo。背景所限，從未受英國教化，很想去短住學下嘢。這次美、英同陷困境，反而政治上一向無方的法國出了個小英雄。娶到「老」婆的靚仔握到慣用手技來震懾對方，但年齡幾乎大一倍的美特要揈手。好！握到佢lui低，你就係新救世主，連普京大帝都要企開。

2017/07/12台

   回到正題，回歸第21年的第一場惡鬥係23條冇走雞。林鄭冇得借民生來打遮擋。
   七一20週年大大慶祝的前夕，首見有人因反政府暴動逃台求庇，且是未成年的中學女生。
   深綠治下的台灣隨即爲港反對者成立國會關注香港民主連線，獲3立會議員陳志全、羅冠聰、朱凱廸及「佔運雙雄」黃之鋒、周永康赴台力撐。
   雙方以台男李明哲赴大陸活動失踪、港銅鑼灣書店同仁被強力北上為例，強調台港互撐。綠營更擬修法庇護港人。
   但內地正急於趁西方內憂外患，趕超美國領導世界。怎會讓地方政府幾隻蒼蠅嗡嗡叫？對港怕只會加快用錢收購、政治上收緊。話唔定繼831後進一步釋法，徹底封殺獨、激、自決者的政治空間，連港式Guevara也當Trotsky辦。