230815二晴31°C 74%：夜市真鬥得過人？

    夏威夷Maui島的野火死亡破百，失聯以百計。人人歸咎警報系統唔響。
    這就是今日既民心：一有問題，責在政府。
    本博日前已講過，Maui係旅遊勝地，就近珍珠港美軍基地，唔明點解當局冇及時疏散居民。
    但島上興亡，匹夫無責？
    上萬居民，警報唔響，難道就冇人遠處睇到起火，用手機影相報警、通知親友？人人都要燒到埋身先知道有難？
    *飲食旅遊業慨歎假日、晚市冷清後，再爆出羅湖口岸北上過關逢假日逼爆，要臨時簡化程序。
    再一算，發現陸路北上既人數多過南下，亦即：港旅客淨外流。
    這再加上內地客由爆買變成深度行，人頭多消費少，也就令人懷疑：北上的消費是否多過南來的？亦即香港對珠三角消費額淨外流、有逆差？說白了，通關至今大半年，港地消費額出多過入。
    為此，當局打算徇業者要求，重開夜市。但有學者質疑成本效益。
    的確，內地30個省市，珠三角乜省市既人都有，乜都有人識得整同賣。港夜市係多樣化上同內地鬥，難道賣NY hotdog、韓國炸雞、馬拉喇沙、印度咖喱、墨西哥薄餅、意大利pizza同spagetti，法國梳扶李？