230427四晨24°C 65%：費解的兇案

    今晨ST的〈食肆東主涉買兇斬人釀命案〉說：
1.1長者上班途中被斬死：懷疑因投訴樓下食肆凌晨開工發出噪音而被「教訓」。創傷部位非要害，但下手過重、事發凌晨3點幾未及救援。
2.地點：近年斬人頻繁、南亞活躍的元朗。
3.8人被捕：1買兇華人（食肆東主）+七收水做嘢人（6男1女，有非華裔）。
4.奇異點：事涉3輛私家車+1「武器庫」。涉事車輛據報已拆毀；武器庫則有9把刀、1個鐵錘、18部手機。
    我好奇的是：死者據報係半夜替更既「豬肉佬」，凌晨獨自步行番工。竟要出動8人做佢、2輛車接應，事後要拆毀車輛，收費幾多？
    這似乎只有2種可能：a.死者其實係「李小龍」或者某方面既「大佬」，等閒埋唔到身；b.呢行既專才大量過剩，接job飢不擇食（因為移民冇人收，又唔敢碰國安？）。但事後要拆3架車，使唔使倒貼？

    斬人似乎已成為個別地區的風土病。頭尾4年街鬥+疫情造成的蕭條，恐怕又加劇了病情。希望仲有得救。

    我地香港既司法唔止文明，更重要既係lelient。因此，好多撈世界既人都選擇來港發展，避免去附近動輒10年起跳、服刑嚴苛的地區。我地香港吸引專才喺有優勢既！