好似夾定咁。今朝剛寫咗一段，準備夜晚上博，在位者就話：盼傳媒多報道疫情下好人好事 發放正面信息。
在位者或不得不如此講。但請記者合作，仲難過請 Omicron手下留情。你愈叫佢咁，佢愈反。
By nature, 有影響既媒體/記者以「篤」政府和you know who 為榮。
更麻煩的是，人權氾濫，關愛爆棚。記者專挖最催淚的個案、最荒謬的制度疏漏，煲大個題。但從來唔交代：呢個「慘」案佔同類個案幾多%。我肯定只係萬分甚至百萬分之一。
750萬人裡，既然有人中千萬六合彩，也就難免有人反過來撞正百萬分之一的衰運。唔怕講，過去兩年，我有兩個朋友死於車禍，其中一個係香港。
百萬人一遇的慘事，應該同情，呼籲幫手。但報導時不應與主流的萬千個案放在同等高度，以偏概全，扭曲社會，欺騙大眾。
今朝想講既例子係：〈確診數字緩慢回落 抗拒隔離令罰則加辣〉。
起題者將疫情與公衛方面收緊約束拉在一起講，顯然不 Like 後者，借前者來鬧：疫情趨緩，反而嚴刑峻法，本末倒置。
當局抗疫的確一向慢三拍。但根源係香港社會根子裡的大安主義。港人最自豪自己醒目，識得走位執生，一有事，人人會自救，無須政府來管。個人的反應永遠快過、靈活過官僚的安排....。這是自由主義最基本的信念。香港最迷自由經濟，就是基於這個天條。
這種百年來的港式文化，在英殖留下的管治裡根深蒂固。政府上下都避免用權，留待市民去各顯神通，趨吉避凶。用權一來市民憎，二來要執法，為政府和公務員增加工作，得罪市民，還要處理繁瑣的司法程序，公務員又冇得補水，何苦？
反過來，政治上，如今的「進步派」，包括有影響的媒體，也反對危機感，怕政府以「危機」為由，擴權操控市民，變大政府。說白了，今天除了弱勢社群，冇人鍾意積極的政府。
因此，政府慣例係可以唔出手就唔出手。只不過，而家既疫情太厲害，冇法子靠市民自己執生；而且，而家抗疫要跟內地，用最有力的手段，鬆一的都會連累14億同胞。
但正如上述，香港百年來沒有這種積極、強勢的基因，因此做出離幾乎冇樣啱，又慢又鬆懈。藍既黃既、上下中外...幾乎係人都媽！
人地冇得連任唔關我地小市民事，但換一個人就能扭轉香港百年來的陋習？
沒有留言:
張貼留言