220322二晚23°C 96%：最「勁」國安案

今病例與死亡～昨。omi在頑抗，希望不會再佔上風。

數據若在今後一周顯著下降，應無須等4.20才開始鬆綁。750萬人已有預期，加上4.1派$5,000，收工後難道食個麥當勞、2餸飯都要等多3個禮拜？

即使因此而有小規模反彈亦預咗。

香港冇做全測既組織力，本屬常理，博主兩個月前就講過唔止一次。

講到底就係：冇共產黨由上到下既動員、統籌和執行力。係內地，黨一聲令下，人人歸邊。呢度政府一聲令下，連公務員都未必聽。政府臨時要人做嘢，唔該磅水，仲要計OT，因為唔係日常正職既工作。內地有冇聽過封區檢疫要俾工作人員加班費架？

而家據林鄭話，內地專家都講明：港基層組織力弱。說白了就是：港冇基層黨組織。

班建制尤其係的新港人唔忿氣，為全檢落空死鬧當局，目的其實係倒林鄭同公務員。林鄭睇樣都要升國家領導人架喇。問題係俾邊個上啫。我估七成係comeback kid：後生+硬淨，而硬淨可解作能力—下屆特首的遴選標準。

近日爆出反修例以來最「勁」既案件：一男一女被指借開武館來召集港獨武力搞「革命」。既然話武館，怕唔止2人，可能仲會有人被拉。但冇搜出武器，似未正式「開工」。

今日BBC中文網走訪幾名年來移居英國的港人，指有港人自費由英國去烏克蘭當兵，做看護甚至士兵。其中的一男一女進入烏克蘭後先知：加入志願軍要簽生死狀：一入伍就做到停戰或傷亡，不得中途退役。這對港男女無法接受這個條款，由烏克蘭退回到鄰國波蘭。

這個故事多少說明港人對軍事和政治組織力的了解，仍在起點。這兩人19年都曾著黑衣上街與當局鬥法。