250615日夜29°C 80%：No Kings示威輸嗮

1963年美國紐約Military Academy學生步操，左二係DJT。摘自美台報WJ。

    #起初以為美國首都華盛頓06.14上午閱兵。點知係傍晚，原來接著天黑後放煙花。
    在美國合計住過大約15年，但不記得放過Flag Day（國旗日）假。
    居美時，最接近這次閱兵巡遊的經驗是81年住係華盛頓，隆冬一月既總統就職日，與家人係街邊企咗幾個鐘，等睇正、副總統同夫人宣誓後坐開蓬車巡遊，答謝選民。
    不料個日太凍，新總統Ronald Reagan列根/里根縮沙，派副手George Bush老布殊/布什（後來總統小布殊/小布什的父親）巡遊頂檔。

    那可能是幾十年來，唯一一次總統不履行傳統的義務。可惜當時唔識買lotto，否則可能發咗。
    講回今日，DJT既生日撞正250年前的反英起義建軍日，又怪唔得佢咁塵。按中國古時的“讖緯（chèn wěi）”學，恐怕真係‘王’者也。
    但咁啱美國人250年前同英國打生打死，正係因為反王帝。因此，今日即便上天真係想破例賜俾3.5億人一個King，呢班人絕大部分都唔領情。
    因此，Trump王在華盛頓閱兵慶生同日，美國各地據說有2,000場既No Kings示威。
後者可說是美國的政治fundamentalist基要派，上街捍衛當年的立國理念。
    但250年下來，美國已非昔日的吳下阿蒙，世界亦已天翻地覆。現在爆出個King來，會否是‘第一大國’的宿命？
    示威者高呼No Kings。但上街的都是自由派，也許唔打Bridge橋牌呢種貴族game，否則嗌：
    Seven No TRUMP
    豈不是更有力！
    Seven No Trump係橋牌叫牌既終極contract，冇合約高過佢。你叫SNT，阿Trump就淪為‘閑家’，無論幾惡都只能坐係度俾對手宰割。
    話說回來，看過DJT閱兵和全美的反王示威新聞片後，不幸的是：前者好睇好多！
    對我來說，閱兵最有意思的是：唔係單純藉軍容和武器示威，而係按美國250年來由古至今，由軍人穿上歷次參戰的軍裝，帶著當年的武器，操過總統檢閱的觀禮台。最早的是獨立戰爭的古裝，最近的好似係海灣戰爭。但可以理解，略去出兵阿富汗那一頁！
    反之，各地的No Kings示威，就新聞片看，雷大雨小。號稱幾百萬，但人流疏鬆散漫，冇成條街見人頭唔見地面，口號震天價響的氣勢。當然，有可能因為俾軍警衝散。但粗略看實在不成氣候。
    反過來說：反King無力，反而俾佢攞到彩。當然，閱兵費+事後的補路費~US$6,000萬係一個問題。但選民會care？
    更不幸的是，DJT講嘢有種氣勢。腦快口快聲大，口齒清晰，出口成章，用詞有力。看他為250名新兵監誓的視頻，不能不服。
    此人能做滿4年嗎？我不敢說。除了政治上不被迫下台，還有年紀的問題；卸任時82歲半，還能日理萬機？
    但又不得不承認，與比他大2年的前任相比，在智能、動作和反應上相差太遠。難道真係冥冥中有主宰？