240908日傍晚28°C 90%：國足冇“擺爛”，無謂譅（saap）氣

    國足日前以共和國史上第二大比數7:0輸給日足，我當晚看到實時就想到Greensleeves頭幾句的歌詞。
    畢竟，70年前建國初期，內地一般家庭連收音機都沒有的時代，我就跟叔叔步行一個小時去廣州越秀山球場看國足練波，就像現在港人去大球場睇曼聯來港友賽前操練--差別是當年免費入場，唔使同人爭，我甚至可以好似而家的攝影記者咁，坐係龍門邊欣賞，差的食波餅。
    說回今天，日足在亞洲數一數二，國足讓2球理所當然。但淨吞7球，而且全場只射過1次門更打飛機，難以想象。
    但以國足這70年來的發展看，我又唔會嬲到好似新華社咁，覺得國足“擺爛”（大概相當於港話“判pear”）。
    國足當晚或者未博到盡，但no big deal。國足怕係共和國75年來，絕無僅有有退無進的一種大眾標桿。這些年來，身型、待遇、聲勢、派頭...與時並進，只不過水平（包括：球技、合作、戰意、戰術、精神面貌）成反比。若此，這次淨吞7蛋並非判pear，而是以本身的水平，與天時地利人和疊加的後果。港語話齋：睇開的啦！

    但有趣的是，港與內雖然俾英治分隔了個半世紀，社會生態差異不小，但足球發展同向。
    香港在二戰前後，直到70年代初，號稱東南亞球王。戰後初期球星有李惠堂，50-60年代有‘三條煙’。當時西方封鎖中國，本港球星以個人身份代表台灣鬥星、馬、泰，通常高一皮。而且清一色係華人。要到80年代先有個別非華裔，例如葡裔既Santos山度士。    

    但最近20/30年，港隊與東南亞各國對陣，最多係五五波，即便主場也不一定有優勢，對著亞洲頭牌的日、韓，以及中亞和中東，只能以勤補拙加運氣搭夠。

    於是回歸前後，港足最緊張的大戰係對國家隊。感覺上，國家隊高大硬朗，港隊低半線。但博盡、主場加點運，也偶爾翻盤，以致港人每逢‘中港大戰’就起哄，多少助長了‘本土’的心態。

    無奈，港足的發展一如國足，今不勝昔。最近這20年，即便近半靠外援，也不覺有起色。
如今更要靠以運動來定義香港精神的風氣來撐住。這兩天遠征3角賽，欣聞奪冠而歸。
    另外2隊是：人口幾十萬的2個南太平洋島國斐濟、所羅門群島。不排除後兩者也有外援。但限於國家規模和偏遠的地理，肯定唔會係歐洲、南美既明星。港隊的外援說不定更勁。
    看來，港足開始從實際出發：與東南亞作賽難以使港人happy，轉而搵較易入手的對手來喚起市民的支持。Right on!