221004二重陽晚29°C 濕度 73%：搵百萬原來話咁易

從未staycation，今晚竟然得以免費嘗試。只不過冇游水池、咖啡廳、gym，甚至冇WiFi ，要靠手機上博。

日確再微跌。你估宣布0+0後，下一個 target係乜呀？

世間事，總有的好難明。假冒公安既電騙，俾人話身有屎，要交百萬為單位既數來交代。但身有冇屎，自己唔知既乜？有咁多身家，好多事主仲係高知，甚至有大學教授，但來電者話乜就做乜。

而且，類似的騙術頭尾怕有十年，一再被拆穿，但仍然有人不斷上當。錢咁易搵，真係引人犯罪。

但一般香港人同公安大纜扯唔埋。即使上去玩，涉及到法例，通常不過是聲色犬馬，點會郁親就幾百萬？

除非有人真的在上面有「瓜葛」，涉及灰色地帶，才會被這種來電嚇親，以為政策有變或者被人找差錯，需要巨額保證來澄清。

這許多人會相信公安會越境來電查案，也多少反映了內地的法治。希望海外的香港人不會有一天收到自稱香港警方來電，稱事主涉及重大法律程序，須以巨款明志，亦「依法」繳納。