220107晚18°C 81%：爆得勁過o?

170人生日派對主角(左)（取自ST）

許是新時代上軌道順利，愛國人士上位太高興，歡慶時忘了本分。170名俊彥到賀人大代表牛一，撞正2年來傳播最勁既變種o，要集體入住好事者口中既‘疫監’。

新立會剛肅反、擴容，還未開第一次大會，就少咗近1/4議員，出師不利。

幾位高官雖公開道歉，但撞正新一波，再次停晚食、美容、公共文康設施，數以萬計的人媽媽聲，有人會唱： ‘只准Ho-ng門開P，不准市民晚食’。今後呢十日八日，民怨難平。此前的反骨年頭，社會動盪，但上位者似乎較自歛。新時代若好唔過舊年頭，何以服人？

好多人本來就唔Likey政府，這一來就更離心。點拉番呢的人轉頭？

呢一鑊之傑難以想象，而且係自己攞離既。班反骨絕大多數都已拉嗮，唔可以再怪人地。

自己執生啦！