220105三午23°C 62%：又離一個？2.0(晚後補)

入夜後補：

疫勢急轉直下。後日起一如前幾波：堂食到6點，運動、娛樂、美容…場所停工。

聽晚堂食，「最後的晚餐」實逼爆。後日起，食肆下午茶怕要分二輪。頭輪照例輕食；二輪變早晚餐，煲仔飯、和牛...報復性地豐富以示威。公司怕要放5:15，俾的同事趕食飯，最多食飽番離再加班。

我就冇得撈啦：後日起停gym，屋企怕都唔想我外食。連公園伸展都怕中招連累家人。聽講行維園，與疫人隔十幾米都唔保險。

不過講笑啫。我唔係好怕乜乜變種。我信自己盡人事，餘下交俾個天， 70幾年來，上天都好眷顧我。呢次我已打嗮針，相信上天睇到既。

過年後3個星期先要求1針入食肆，有排玩啦！搞得唔好，呢輪既o會與過年雙翼齊飛，日確少少地都過百。

建制近月死谷通關，本已近在咫尺。不料人算不如病毒算，殺出個程咬金。有人怕偷笑。

最後總會通成關既，齊秦話齋，“大約在春季”啦！

以下今晨上博：

今日的頭號scare恐怕唔係第五波，而係〈「法」現新變種B.1.640.2  46突變>o 37〉。
一如o來自非洲：有非裔由西非國家喀麥隆返法後確診。
急待確定：傳播力是否>o？
但發現者取名IHU，希望唔係中招直入ICU。
喀麥隆位於中非西岸，與發現o的非洲南部有相當的距離。係獨立既變種？
非洲的自然和社會環境是否方便病毒變種？
富國是否要集體出資，資助非洲閘住病毒？