4日長假的第二日，天氣繼續濕滯，港人繼續北上。2日來累計百萬，佔人口1/7。這還不算飛走的。
我很贊成市民假日擇優而棲。鬼叫你唔夠人地平、新、大、多呀！以前以為自己至叻，而家就知天地之大。
但我怕逼，冇隨眾。今午只係退而思其次，跳上第一架到站的長程巴士，外出兜個圈，當係度咗假。多謝庫房津貼我$60車費。
*近年慣性「唱」中國的RFA/自由亞洲電台宣布撤離香港。好事：美國的半官方媒體搬去自己安心的地方，特區也省得費神來𥄫住你，雙得益彰。
*近日最有趣既係：有六旬男子攜百萬元名錶，搭公交去指定目的地與買家交收。到埗後被兩名南亞男截劫，顯然有人設局。
不料劫匪當衰。錶主醒目：事先將錶與錶盒分開存放，兩個小賊搶到錶盒就以為得米；但真正厲害的是，「錶」主本身係「鏢」客，即時耍起詠春，劫匪走夾唔頭。
說也巧，週前行街，撞到多年未見的朋友。大家都上了年紀，自然講到做運動。朋友原來跟師父學詠春。我以為，咁既年紀，通常係耍下太極、練下吸納，原來唔係咁簡單。唔好隨便蝦老人！
*與中國永遠互免旅遊簽證的泰國有意開賭。由此想起國家不久前提醒去新加坡(同樣對中國內地客免簽)旅遊的內地人：勿在境外賭博。言下之意，回國會被追究。
相比之下，就澳門賭場所見，九成客人都像來自內地。如果澳門是境內，內地人可進出賭場，則泰國作為境外，賭場做不到內地客的生意。靠東南亞、南亞、中東客落注就夠食？
沒有留言:
張貼留言