昨冬奧閉幕，冇講疫情。連日來，確診雖達6-7k，但增幅小。昨才算彈升～15%至～7,500。此增幅是幾天的累積，日均或只有5%，在悲情中聊以自慰。在內地助力下，有望在1萬價位閘住。
總之，拖多一日就是勝利。
最近持續低溫，有利病毒存活。今再創今年最低溫：7.5℃。天公好心幫下我地，快的暖番的。市民在此溫度的風雨中輪候檢疫、入院，冇病都凍到病。能否在兩三日內緊急改裝室內公共設施作輪候中心，是特區應變能力的考驗。
內地專家建議港方發布疫歿人數時，講明死因。完全正確。我此前就覺得，當局呢一波精咗，日日話有人死，越講越多，而且唔係老就係幼(今日再創最細記錄：11個月)。嚇到的中青急急帶仔女同父母打針。宣傳好有效。但唔講死因，sneaky。死因唔使講都估到：十有九係本來就有慢性病，所謂併發症。疫情初期有講，今次唔講，可信係刻意。
至今所見，建制圈人人都柴林鄭，連重量級人物都明批。各大報亦擺明唱衰。後果已好明。
餘下係上頭想邊個上：回歸人？回流人？未知人？
對港人或事不關己，但俄羅斯入侵烏克蘭，越講越真。除咗俄大軍壓境，烏東既親俄地區已聞硝煙。原來，人類史上有過多次製造 false flag來發動戰爭既先例：1931.9.18日本關東軍製造南滿(州)鐵路被炸事件，作為侵占中國東北的藉口。更出名的是1939年9月，納粹製造波蘭衝突，作為閃電佔領波蘭的口實。如今歐美說，俄國會藉口烏東的俄裔和親俄民兵被烏克蘭當局攻擊為由，出兵保護，一具佔領該國。
美國說，普京已下令攻烏。若此則可能是我今生唯一見識的發達地區最大規模戰爭。我落地冇幾日，日本就已投降，夠運。此前唯一見過的大規模戰爭，係美軍打中東海灣，以及稍後打伊拉克的薩達姆。對手太弱，恍如大人打細路，畫面上只見導彈落地的火光。幾個星期就打完。
但今次如果真係開戰，烏克蘭靠西方既軍火，可能還有些「志願軍」，怕唔會一面倒。傷亡會好慘。
還望上天有好生之德！
沒有留言:
張貼留言