220219六晚10°C 93%：風水輪流轉與美才中用

2.18「真」確6063+初確~7400，冇想象中咁多，慘勝。

但近日真正的話題是：香港成為全球華人社區播毒大本營。兩岸、澳門都話有港人帶入疫情。

由於香港抗疫風聲緊，連日有人偷渡番內地避疫。愛國網絡樂於傳給海外的港人，以證而家內地好過香港。

偷渡北返既港人，99.5%係本來就係內地落離既，持有兩地身份證，係上面大把親友，有地方住。香港本地人邊會北上？俾你混到入境，都冇地茂啦，轉眼就被查到。非法入境加避疫播毒，隨時坐兩年。傻既咩？

水路運生鮮來港以補阻滯、財團捐助物資是好事。但更急迫的是檢驗設備和建臨時設施的地皮。這是港作為地狹人稠金融中心的空白。而家就要記入議事日程，下決心在疫後增設點小量的緊急備用設施，以備十年一遇之需。

冬奧這兩天閉幕。我除咗文字標題，只睇過幾段電視新聞。在美國生長的美中混血靚女谷愛凌Eileen Gu為中國出賽，獨得2金1銀，冠絕全場。但另一名代表中國出賽的美國土生華女朱易臨場失誤無牌，被內地網民柴台。

起初唔明，後來念到的。美國咁多華人後生滑冰登峰造極，多數係父母至少有一方早期係中國係滑冰選手甚至國手，出身將近半年冰封既東北。但中國人滑冰多，滑雪鬥唔過北歐。滑雪唔單只要有雪山，花費也遠遠多過滑冰，寒帶富國的玩意。挪威、德國最威，連俄羅斯咁凍都唔得。英國也冇料。

但點解咁多中國滑冰選手移居美國？國內太多好手，難出頭？

此外，冬奧似乎爭議特多。今屆韓國就一再針對中國，由場內鬧到場外。韓人既文化情結係好特別，世上絕無僅有。

中國主辦呢屆冬奧，落足工本，好想藉此重振中華的聲威。但是否成功，五十五十。而家連西方運動員都「厲害」咗。唔似以前，係賽場示威。今次當面唔同你拗，落咗獎項番到自己屋企先爆。當然，可以記住呢的人，以後唔歡迎離中國。但新聞已傳遍世界。