220212六晚19°C 84%：希望唔係真

繼前日初確1500，昨確診亦~1500(99.5%本地)，即係冇新增感染？希望唔係false hope.

若此，昨初確1500，希望聽日公佈既確診亦係1500！

今日最大既驚嚇唔係確診數據，而係傳聞內地團隊來港開工後，有可能封城，起碼係封區。若為期七日，家家要買齊糧草，母嬰老弱、清潔用品。

昨上博後方醒起，封區/樓既話，除咗老弱，劏房亦須關顧。顯非所有劏房都有獨立廚廁。即使有雪櫃，怕都裝唔落一周既肉同蔬菜。全港可能有幾千個劏房，散落多區。萬一要日送兩餐飯，工作量唔細，忙中必失。

近日兩岸都回落，香港獨憔悴。北京似乎閘住了。歐美更陸續開放，日本即使勁爆亦跟從。

但與此同時，西方的貨車堵路像病毒般蔓延，未有政府搵到妥善既解封之道。抗議強制多過抗議疫苗，相當於女權分子抗議不准墮胎，認為我既身體只有我可以作決定，政府強制或唔准係有違個人權利。這是極右的自由主義。