連日陰雨後，終於放晴，得以在戶外晨運。但gym班報名則多年來第一次落空。客觀的說，責不在我。
上網報名時，一如往常地填報賬號，怎知突然跳去另一頁說：
密碼過時，要重訂新密碼。
但邊個會事前念定備用既密碼？臨急被人out，即刻窒咗。總不能用身份證號碼、生日、住處吧？即便臨急用一次，報完名就改，也太冒險。同樣唔可能用ABCDEFG、1234567之類，會彈番出嚟，話唔夠安全。
更麻煩的是，密碼按規定至少要8個字符，有齊字母大小寫、數字、特殊的符號。
一般網站會列出所有可用的符號，例如“_ &...”，而不是說「特殊的符號」，唔講係乜，也不能按「特殊的符號」入去睇答案。
不用說，揀咗了個密碼就被彈出來。重複了一兩次後，想報既班就滿額了。
好，認衰，改密碼，準備下個月再報啦！按進「忘記密碼」的網頁，回答了開戶時定下的私隱問題。網頁話答啱咗，會來電郵通知我按入特定的網頁重設密碼。至今已12小時，毫無動靜。
一般來說，重設賬戶就像網購，同場即時收到電郵或電話簡訊，附上臨時的密碼。12小時都唔覆，我估再等都係廢既，怕要去衙門見官。
這不知道是否與2年半疫情，文康活動長期停擺，有關的部門連月WFH有關？但這是年開支6,000-7,000億元的大政府！
再說，回到開頭，我既賬戶和密碼用咗十幾年，當局從未說有問題，點解今晨突然在最急著過關個刻失效？
事後有友人話：原來而家文康當局規定每半年要改一次密碼。這顯然是擾民。連銀行都冇話，存戶每半年要改密碼。報文康活動，最要防的不過係炒場，危險得過銀行戶口？
即使真有必要每半年改一次文康密碼，我也從未收過通知。
細路都知：不知者不罪。事前不通知我改密碼就踢我出局，係違法既！
怪唔得呢個政府做咁多嘢都冇人話好，反而專俾人踢籮友。總有人想司法覆核，又在所難免。
公務員死咁維護自己加薪，可以理解。如果我有咁既鐵飯碗，恐怕都大條道理。但好似近日爆出既滅鼠符碌，正如今日唔通知就foul我既密碼，多少說明一啲公務員得過且過。做少啲、走精面，俾公眾抽秤到既機會可能係1%。執正做好，唔單止攞苦離辛，更怕太認真，得罪九成既同事，因為暴露咗大家既問題。
所以，睇開的啦！
沒有留言:
張貼留言