變種存在有否半年？早就傳遍歐美大國。香港至今才被其突入已算遲。
變種麻煩的是：1.傳染力>未變種，更難防截；2.現有的藥物和疫苗可能無效。
變種至今有三大類：英倫、巴西、南非。這三大類下屬又各自有很多種小變種，十分複雜。
好彩既係：BNT暫時對英倫和巴西變種有效，只差對南非效率冇乜符。
唔好彩既係：現有既其他疫苗，未有證據說對變種有足夠的功效。
若此，對外封鎖變種時，首要針對南非來客。肯定有人從南非起飛，刻意繞大半個地球，轉3-4次機，才以香港爲目的地，落地時自稱係上一站離既。
當然，在後現代時代，人權大過天，single out南非來客一定會被指歧視，有違人生而平等，來港探親、公幹、旅遊是人權，不能剝奪的天條。正如用員工打疫苗的進展來決定食肆、酒吧的開放程度，有學者指出：工作係人權，當局此舉剝奪市民的工作權利。
工作係人權，再正確也沒有了。請這位學者接着也幫我這類老殘捍衛呢個天賦權利。我已將近20年冇工番，積蓄有限，上有長輩要養，日子越來越緊，需要趁仲可以走動，搵的part-time幫補下，一周十個八個鐘都好。請學者提醒當局：落實65歲以上的長者，尤其係年過70既工作人權。
日前係山邊既公園，有位彎腰九十度既阿婆，好用力咁推平板車，上面裝住兩個載住樹葉、掃把、垃圾鏟…既大筒。我既好多謝阿婆維持公園既環境，又好羨慕佢，仲有機會貢獻社會。每行一步就要左右扭一扭，怕只有政府既外判商先肯請既即。私企肯定冇機會，嫌行動唔夠快，也怕整傷，老細要孭飛。
昨日既頭條人物係一位由印度來/返港既男士，送來變種，更好本土，帶住離遊花園。咁啱咁橋，我前兩日先去呢位朋友住處隔離行街買嘢，仲差的去埋澳牛，希望冇領嘢啦！
以我估，呢個源頭截得住，變種不致天女散花。
但而家講創意，今日既頭條人物先一流：先去政府處打BNT，然後hush去私家醫生處打科興，最後再去政府處打埋第二針BNT。
1.合計打3針，肯定係全港第一人；
2. 交叉溝針，have the good of both worlds；
3.打齊功效較勁、國際最知名既BNT，可以去發達地區；
4. 加一針國貨，需要北上或表示心跡時，有得交代。
呢位朋友應獲頒抗疫創意獎。我點解念唔到呢？
沒有留言:
張貼留言