190217日渣馬陰18°C 90%：講到做到，管他撕裂

    講咗好耐果兌現。睇死民主黨唔放行，特朗普頒緊急狀態，用軍費建圍牆擋II。
    反對者也照例告違法。但司法係廢既。特朗普對住鏡頭，講哂整個三級程序。Marquez話齋，裁決結果呢一刻就已foretold：頭兩級法院你地贏，最高法院就我贏，period。係都要我講明既話，頭兩級法院係自由派，最高法院就5:4偏向我保守派。你地去仆街啦！
   講得咁難聽，因爲：美國首先證明，歐美式民主係一屆任期內，係可以破產既！機制裏有足夠既行政手段讓最高位的一人放手做要做既嘢--只要確保最高法院夠票。而咁啱特朗普好彩：頭兩年任期就有自由派大法官出缺，讓他得以用保守派填空，確保自己終極的勝算。
   至此，司法唔係講理而係講票，與winner takes all的民主選舉、議會無異。
   舉世自由派既特長係情緒加口水，遇到實幹既保守就淪爲空言，自己做唔出嘢，唯阻住地球轉。但玩司法不如番去動員，等明年底投票啦！
       香港由於選舉制度落後，民主派力求學美國，會只談美式（更可能是英式）之利，避談其弊，相對更可憐。