190215五夜21°C 83%：A good day

    Gym班停了我近兩個月後復課，見番的熟人，邊做gym邊講笑。
    講來也好笑，gym係我至今返過最長的學校：進入第十五個年頭，同班係最長的同學。冇砂紙，冇得靠佢維生，但只要能幫我第日去得易的，盡少連累他人，也就賺咗。
   Gym後去惠康買冷凍食物。當時客不多。收銀阿姐見我從背囊抽出購物袋，主動幫我逐樣收入布袋。超市不再代客打包，怕已有二十年。這位阿姐額外行多步。換了在西方或日本，我不會很驚奇。祝她豬年順利，閤家安康。
   今天生活上的新聞是：幾十年來最暖的冬天；台式茶飲糖超標。
   上週就想留個記錄：年三十到初四好似日日最高25℃。的確，呢次入冬仲未着過羽絨。回南後要與衣服來次斷舍離。到此年紀，穿不了多少，堆埋發霉不如益有需要的人。但社會富裕至此，只怕方圓百里冇人要。
   沒想到台飲也超標。近年每見新式的台茶的新式排檔排長龍，就覺得台灣確有兩度板斧。相對港、陸，賣點是「進步」，包括食安、文創、心靈。故港人近台遠陸。但測出珍珠奶茶超標後，令人想起近年不時有台食不安的新聞。最嚴重的一次是食油，香港食肆都有幫襯。
   若此，對台灣的「進步」要保留合理的懷疑。不過，這並不會令港人近陸多一些。
   台灣應檢點。勿乘全球反大陸，自恃有「道」，以爲有思想的人必傾向自己。台式茶飲純屬賺富裕社會後生的easy money，但包裝靚，似係日風的靈感。
   這次被踢爆，正好創個健康版。