羞家：〈特首見傳媒螢幕寫「中國人民共和國」〉。
李慧詩昨高齡「復仇」，在全運壓倒近年「剋」住她的國家隊主將奪金，相信特別高興。今午再獲一銅，今屆全運已完成任務。
她無疑想繼續戰鬥。但場地單車是極高強度的運動，競爭白熱化，各國人才前赴後繼。冇人知道，今後1-2年會否好似今次美網咁，殺出個𡃁女，打低嗮一眾排名高佢成百既阿姐。
Good luck, Sarah!
原來，全運會還未開幕就有矚目的項目決勝。即便賽程緊密、場地有限，開幕前先初賽，開幕後才決賽，氣氛會否更好？
很多體育話題值得講。既為Djokovic/祖高域未能在一年內囊括全球4大網盃（美網，法網、英國溫網、澳網，合稱Grand Slam/大滿貫）而惋惜，但反過來也好，大家都有機會，唔係一個人一年內袋嗮所有既榮譽同獎金。
近半世紀，只有一兩個人在同一年盡掃4盃。除了技能、體能…，仲要夠運：這年內自己冇傷冇倦、狀態穩定，對手又冇人特神…。記得其中一個大滿貫係半個世紀前澳洲既Rod Laver/洛利華。當時我剛到美國，有同校既香港師兄「迷網」。長輩開電視，我作為𡃁，只好跟住睇。其實，我冇耐性睇兩三個鐘既一鬥一，至少有10年未睇過一鋪決賽。）
近日體育既頭號話題自然係美網爆出個幾乎係歷史上最年輕既女王Emma Raducanu。焦點除了18歲、世界排名100上下、今年美網連續10場直落兩盤淘汰對手，包括一姐、殺死人既笑容、英女皇同威廉王子都道賀，還有特殊既出身：
生於加拿大，2歲隨父母移居英國。父係羅馬尼亞移民，母係來自瀋陽的中國移民，都係專業人士。但此女不同一般在西方成長的ABC、BBC、CBC、DBC…，隨母親學會講中文、去過瀋陽探親，會看台劇，獲母親傳承了些中華價值觀。
講體育，當然是看她今後能否穩在世界頭幾名，享有至少五年的頂級職業生涯。講個人，相信是看她在中國目前的「國難」期，如何求取平衡。前两年冒起的美/日雙重國籍、牙買加x日本血統的Naomi Osaka大阪直美，就有球技、進步的價值觀。但不知道是否美國出身，偏激、情緒不穩。Osaka vs Radacanu今後的球壇表現，說不定可顯露一些國族文化的問題。
就此打住，轉去看日劇大結局。
沒有留言:
張貼留言