220828日晚30°C 84%：又上萬，頂住

本確連日勁升，昨望9(k)，今已看10。新官新作風，明天可能就會宣佈收緊食肆、康文社距。希望無須再禁晚堂食。

但可信全國鬆綁的總路線已定。香港收緊社距，只屬因應短線升勢的調整。就像牛市期間，連日調整，公共資金入市托底。大方向仍牛。

不過，短期內會引發憂慮，俾人鬧。坐穩了！

緬、柬都被指係禁錮華人詐騙集團的基地。但前者的軍政府爛命，當國際社會係死既，似乎中國也莫奈其何。後者還要俾面國際，連日聲稱破案救人。但只怕係做騷，地方上受賄包庇犯罪才是常態。國際關注一過，就回復「正常」。近日獲救者好彩，此後受害只怕冇人理。

英國近日的困境，戴卓爾以來僅見：疫情+俄攻烏刺激高通脹，各種公共服務排住隊罷工。今冬若真的缺燃料，只怕會凍死人。

整個歐洲的經濟都苦於疫情+俄攻烏。但英國由於脫歐，加上與歐陸有一水之隔，加倍困難。未享受到脫歐的好處，先捱壞處，認真唔好彩。

保守黨換首相只怕嗮氣，選民轉眼就會請工黨上台。

年來因為政局而移英的萬計港人，撞正當地低迷。很需要耐心度過難關。希望入鄉隨俗，唔好總係同香港比。係人地度作客，儘可能觀察對方的好處。以自己屋企為天堂，又使乜去人地度？

尤其係，如果你覺得政治上的選擇更重要，咁就唔好怨。又想馬兒好，又想馬兒唔食草，你玩嗮啦！

日本早已不再富裕，捐300億美元俾非洲，好厲害！真的為抗華？

不過，外援通常規定：我給你的錢只能買我的產品。日本可藉此請非洲用日本貨，尤其係工業設備、基建…。非洲人用開日本設備，由於設計和標準，此後也不得不繼續用。這就是影響力。