200206四深夜17°C 83%：聽日掃乜嘢

李文亮（-2020.02.07）

Good work AD: 200207五網站：香港疫症地圖

200207晨後補：下文昨晚凌晨前上博後，臨瞓前有新聞說，李文亮仍在搶救。當時我冇立即補充更正。今晨再睇港台即時，官方證實這位武肺whistleblower離世(下圖)。但今日凌晨離世，上圖的離世日期應爲-2020.02.07)   

此文上博之際，看到RTHK即時：率先披露內地疫情武漢醫生李文亮染（圖）新型肺炎病逝    
   港人前晚當街紮營輪口罩。擒日見林鄭話週六起從內地入境，包括本港居民，強制隔離14日，當晚掃清超市既廁紙、白米...。聽日怕輪到杯麪、罐頭、樽裝水；後日話唔定係唔使雪既椰菜、薯仔、紅蘿蔔、鹹蛋...。與此同時，裝凍肉既冰櫃、空氣清新機...等家電斷市。
   食品商今朝立即企出離話供應充足，怕係官方請出面。
   安民心做得啱。但人係動物，自保係本能，對不確定的威脅，寧可防定先。我朝早晨運，幾米外經常有雀停係杆頭。我只能做原地踏步既動作。只要向它們邁出一小步，雀就會飛走。反過來，你係非洲遠觀獅虎，一發覺獅虎見到你，目光不善，會立即鎖門撻油。即使獅虎離你成百米，只係alert，無意衝過來，你也唔會take risk（當然有個別人例外）。
   林鄭從頭到尾trail疫情，很反映香港華官傳統的理性病：總以爲港人好叻，唔想政府管，應讓大家各顯神通。但時代早已改變，唔再相信invisible hand，要求政府主動，先開個頭，再讓大衆去發揮。
   唔怕講，我唔係好敢相信，政府呢次買口罩，真係等商家投標，取其價低者。慣性的做法係避免有官員藉訂單向商家取利。但缺貨時，賣家佔上風，反過來買家要鬥出高價。買口罩靠賣家出標鬥低價，應直送精神病院。
   但恐怕又唔能怪下便既官。層峯落order時，首先就要講明：趕住救命，要十日八日內到貨，平常既低價投標唔適用，要在市場上與其他買家競投。
   當然，出價前要有情報，瞭解國際上的貨量、競爭者的需要和財力，避免俾人托價。但層峯若只係要下層買口罩，唔講係例外，願出高價，下面唔敢破例，照舊離做，八成責在上頭。
   但其實有的港官好明白呢種道理。只不過香港係經貿性格，唯財經官員敢咁做。97年金融風暴鬥贏大鱷是最好的例子。但而家既層峯非財經出身，只有機械的理性和教條的法治。
   夜了，就此打住。
   明晚此時後，且看有多少人從內地湧到，接着的港人家居隔離有多少漏洞。但眼前呢24小時，最令人擔心的是兩艘遊輪合共的5,000人。有幾多人中招、幾多帶毒，事後點發散。